Fyrsta tönninn farin - Leitin að tönninni stendur enn

Helstu fréttirnar eru auðvitað þær að Margrét Birta missti sína fyrstu tönn í gærdag & hamingjan sem ríkir á þessum bæ með það er ekkert lítil  Stelpan sem er orðin 7 & hálfs var farin að missa alla von um að hún myndi missa tönn enda flest allir sem hún þekkir farnir að missa & sumir hverjir fyrir löngu síðan  Hún var búin að vera laus í dáltinn tíma en núna undir lokin eingöngu verið spurning um hvenær hún myndi detta, gátum ekki skilið þá hvað það var sem hélt henni ennþá  Hún kom allt í einu hlaupandi í gær eftir hádegið úr herberginu sínu með miklum ákafa til að tilkynna að tönninn væri dottin  Allir voru svo ánægðir með henni & þegar við vildum fá að sjá tönninna kom skrýtinn svipur á mína  Við reyndum að fá hana til að segja okkur hvernig hún datt o.s.frv en hún vissi það ekki & þar með hafði ekki hugmynd um hvar tönninn var  Mikil rannsóknarvinna hefur staðið vegna þessa & höfum við náð að þrengja leitina við bara þeirra herbergi  Hún var semsagt enn með tönnina eftir matinn þegar hún fór inn til að leika sér en ekki hjálpar til þar sem þær voru að fíflast upp í efri koju & ýmislegt fleira svo tönninn gæti verið hvar sem er  Þetta er verkefnið hennar & á hún að finna tönnina sína sjálf en hún segist ekki finna hana útaf dóti sem liggur á gólfinu ...  Við bentum henni nú bara á að þetta dót væri vegna þeirra systra & ættu þær sjálfar að ganga frá því svo hún gæti fundið tönnina sína  Tókum það líka fram að við myndum hjálpa henni að leita betur þegar þær væru búnar að ganga frá dótinu eftir sig  Þannig að tannálfurinn kom víst ekki í heimsókn í nótt en hver veit kannski í nótt, þ.e.a.s. ef tönninn finnst

Helgin bara róleg hjá okkur en laugardagurinn fór að mestu í ekki neitt  Jói var grátbeðin um að vinna & gerði hann það & átti hann að vera búin kl:14 en var ekki komin heim fyrr en um kl:16, svo mikið var að gera  Ég verð nú að viðurkenna að ég var ekki neitt í skýjunum yfir þessu þar sem við höfðum ætlað að gera eitthvað saman með krökkunum áður en þetta vinnutal kom upp  Við krakkarnir vorum líka orðin frekar þreytt á biðinni enda vorum við bíllaus hér heima & biðum eftir kallinum síðan um hálf þrjú leytið  Komust við loksins af stað um hálf fimm & þá var brunað í búðirnar áður en þær lokuðu, fórum svo heim & gerðum matinn klárann í ofninn áður en við fórum aftur út  Á meðan maturinn mallaðist í ofninum fórum við öll saman að bera út moggann svo við komum svöng heim í mat  Kvöldið fór svo bara í hvíld & fjölskyldumynd & svo snemma í rúmið  Sunnudagurinn var líka rólegur en við skötuhjúin skelltum okkur á tónleika í Glerárkirkju sem voru haldnir í tilefni 50 ára afmælis körfuknattleiksdeildar Þórs  Það voru Konnararnir & Álftagerðisbræður sem skemmtu okkur & var þetta hin fínasta skemmtun, ekki of langdregið sem var fínt þar sem veðrið var hreint æði  Krakkarnir voru hjá fólkinu sínu í Vestursíðu & skemmtu sér konunglega, amman & afinn voru víst heillengi með barnabörnunum sínum úti & farið víst eitthvað á rúntinn líka  Erfiðast var að ná krökkunum heim aftur þar sem þau voru ekkert á því þótt klukkana væri að ganga sjö  Kvöldið hjá mér fór svo bara í lærdóm, ekkert annað & verður þessi dagur mjög svipaður, lærdómur  Próf á morgun hjá mér & skila tveim verkefnum & svo þarf maður að fara læra undir næsta próf sem er á föstudaginn  Þetta styttist senn

Stelpurnar eru svo að fara í kórpartý til Ástu kórstjóra í dag/kvöld frá kl:18-20 & er sko mikil tilhlökkun fyrir það  

Meira síðar, hafið það gott í góða veðrinu

Dagga

Athugasemdir

[Brynja skordal, 21.4.2008 kl. 12:08]

Æ já alltaf svo mikil spenna þegar fyrsta tönnin fer  En vonandi finnur skvísan hana svo tannálfurinn geti veitt verðlaun Gangi þér vel í prófum hafðu ljúfa viku

[Ólöf Jóhanna Pálsdóttir, 21.4.2008 kl. 12:14]

Kíkk og innlit.

[Margith Eysturtún, 21.4.2008 kl. 18:52]

Já alltaf gaman með þessar blessuðu tennur. Andrías kyngdi sína fyrstu tönn, enn voru við að borða kótelettur . Stráksi greyið hræddur um að hann fékk ekkert frá tannálfinum, enn hann fékk samt smá pening sem fór í sparbaukinn. Vonandi finnur hún sína tönn .

[Páll Jóhannesson, 21.4.2008 kl. 23:07]

Já var ekki tannálfurinn bara svona snöggur? ég held það

[Brynja skordal, 25.4.2008 kl. 00:34]

Gleðilegt sumar