Ferming Ólínu á morgun

Já þá er bara að koma að þessu, Ólína okkar fermist á morgun  Allir hjálpast að við að gera allt klárt en tengdaforeldrar mínir eru alveg ótrúlega rólegir yfir þessu öllu, ekkert stress  Fórum í gærkveldi & gerðum salinn klárann, stilltum upp borðum, skreyttum & gerðum eins margt & við gátum fyrir stóra daginn  Ólína hafði sko mikla ánægju af þessu öllu & ljómaði alveg af henni  Já þetta tókst henni, ná heilsu & koma til Íslands til að fermast  Ekkert minna verður að gera í dag en ég mun gera 2 stk stórar smurbrauðstertur & Jói átti að gera rice krispies turninn sinn  Dagurinn í gær var heldur erfiður þar sem eiginmaður minn tók upp á því að veikjast, ekki gott  Þetta byrjaði vísu aðeins á miðvikudagskvöldið, var að drepast í rifbeinunum, eins & hann væri marinn, hefði verið laminn illilega  Hann tók inn verkjalyf um kvöldið & fór snemma í rúmið. Þegar hann vaknaði um morguninn var hann ekkert skárri & ákvað að fara ekki í moggann & ekki í vinnu, ja allaveganna fyrir hádegið eins & hann sagði það  þegar ég kom heim úr skóla um 11 leytið var minn hálf meðvitundarlaus í sófanum sofandi & ekki í neinu ástandi til að mæta í vinnu eftir hádegið  Ég fór svo í Ultratone & skildi lasarusinn eftir heima. Þegar ég kom heim um 6 leytið þá var minn steinsofandi & gjörsamlega út úr kú  Nú var hann farinn að finna allrækilega til í hálsinum & gat ekkert borðað, lá bara fyrir  Hann áttaði sig strax á því að hann væri trúlega kominn með streptakokkasýkingu & hringdum við strax í mömmu hans sem átti afgang af sýklalyfi, sama & hann hefur notað við þessu. Hann talar svo við lækni núna á eftir til að fá sýklalyf & þannig ætti hann að vera öruggur með að geta mætt í fermingu systur sinnar  Hann má ekkert koma nálægt henni núna á meðan hann er á þessu stigi, þarf að vera búin að vera á sýklalyfi í að minnsta kosti 24 klst til að smita ekki  Vona að hitinn fari líka lækkandi hjá honum því hann er gjörsamlega vita gagnlaus svona veikur, bara hálf meðvitundalaus & ekki á besta tímanum

Elín er svo að fara í afmæli beint eftir skóla í dag & verður þar til hún fer í fimleikana, hlakkar mikið til  Jói verður semsagt heima í kvöld en það var ekki planið, hann átti að vera á Illugastöðum á vinnufund á vegum samfylkingarinnar en hann getur alveg gleymt því núna  Sit núna í tíma, afbyggingu, ekki skemmtilegasta fagið, hlusta á ítalskan kennara tala ensku um fyrri heimstyrjöldina & fasisma, jeiii, einmitt mitt áhugasvið eða hitt þó heldur  

Jæja skrifa mjög fljótt aftur & mun reyna að henda strax á sunnudaginn inn myndum af fermingunni inn á barnaland  Þangað til næst ......

Dagga

Athugasemdir

[Brynja skordal, 28.3.2008 kl. 16:44]

vonandi gengur allt vel hjá ykkur og skvísan njóti þess að láta ferma sig og vonandi verður bóndin þinn orðin ról fær til að taka þátt í gleðinni með ykkur hafið ljúfa helgi