Hiti & hamingja

Já já já já ég veit alveg upp á mig sökina, ekkert búin að blogga síðan 13.júlí..... skamm skamm ég  Þetta er bara búinn að vera indæll mánuður, vorum semsagt helgina 11-13.júlí í Árskógi með ættingjum Jóa sem var hrein snilld, voða gaman  Kynntist alveg fullt af fólki, meira en Joi, hann var ekkert alltaf með á hreinu hverjir hinir & þessir voru en þá gat ég nú stundum sagt honum það  Við tjölduðum & gistum 2 nætur á staðnum, alltaf gaman að tjalda

Lífið hér hefur annars bara verið gott, vinna & njóta lífsins með krökkunum. Stelpurnar mínar kepptu á Strandarmóti 19.júlí & var voða fjör hjá þeim, myndir af því eru inn á barnalandi endilega kíkkið www.barnaland.is/barn/66675 þar eru fullt af flottum myndum frá Júlí  Svo hefur litla sundlaugin á heimilinu verið tekin fram ansi oft, sérstaklega þegar veðrið er eins gott & í dag.

Síðasta næturvaktatörnin mín kláraði ég á þriðjudagsmorgun & hef notið lífsins í góða veðrinu  Stelpurnar mínar eru í fríi frá fótboltanum þangað til á miðvikudaginn í næstu viku. Jón Páll byrjar svo aftur í leikskólanum á þriðjudaginn & ég fer suður á miðvikudaginn & svo út snemma á fimmtudagsmorgun  Hlakka rosa til, keypti mér einmitt eitthvað af pundum í dag til að taka með..... & versla

Ég fer svo að vinna á sunnudagskvöld & vinn fram á miðvikudagsmorgun & er Jói líka eitthvað að vinna um helgina á tjaldsvæði fyrir Þór. Við ætlum að fara svo í bíó með krökkunum, tívolí & fara sjálf í bíó  Ég fór í gær með krakkana í sund á Dalvík & á miðvikudaginn í Akureyrarlaug, geggjað að fara í svona góða veðri enda eru krakkarnir þokkalega svartir eftir alla útiveruna  

Reyni svo að vera duglegri að blogga enda hefur talvan varla verið opnuð seinni hluta júlí mánuðar enda of gott veður að hanga inni eða ég sofandi eftir næturvakt  Nú fer ég samt að neyðast til að vera meira í tölvunni enda að fara í 2 próf 18 & 21 ágúst  Svo ég verð að læra, enda byrjuð á því, ætla sko að reyna að brillera í þessum prófum  Svo byrja ég aftur í skólanum 25.ágúst, þá byrjar annað árið í sálfræði hjá mér & þá mun maður ekki eiga neitt líf nema skólann  Svo auðvitað byrjuð að plana aðeins þrítugsafmælið hans Jóa, ætlum að halda upp á það 13.september svo takið frá daginn

Hafið það gott í öllum hitanum & endilega kíkkið á barnalandssíðuna & skiljið eftir spor

Dagga & co

Athugasemdir

[Ólöf Jóhanna Pálsdóttir, 1.8.2008 kl. 20:37]

Takk fyrir matinn sem þú bauðst okkur í. Mjög góður og gaman að borða mat sem maður þarf ekki að elda sjálfur. Sjáumst á mánudagskvöldið.

[Aníta (IP-tala skráð) 1.8.2008 kl. 21:33]

Hæ hæ bara að kvitta fyrir komunni bið að heilsa

Kv Aníta

[Sædís vinkona (IP-tala skráð) 5.8.2008 kl. 21:09]

Hæ hæ. Vildi bara senda þér kveðjur svona rétt áður en ég fer. Á eftir að sakna ykkar geðveikt mikið.  En sjáumst hressar í nóvember.

Sædís